Vuosttas Sámi girjeriemut leat Kárášjogas čakčamánus
2. - 4. b. 2005 Sámi Álbmotallaskuvlla visttis (DSF).

Riemuid fáddá lea:
”Muitalusas, máidnasis, dajahusain girjin, girjái ja girjjálašvuhtii”.

Duogáš dása lea sámi árbevieruid ja muitalandáidaga deaivvadeapmi ođđaáigásaš čálakultuvrrain.
Riemuin galget leat girječájáhusat, seminárat, digáštallamat, mánáid- ja nuoraidriemut, teahterčájálmasat, eahketprográmmat jnv.
Semináraid fáddát leat:
Sámi árbevirolaš máhtu
Sámi girjjálašvuohta riikkaidgaskasaš perspektiivvas
Girjjit ohcalit lohkkiid
Manne árvvoštallat girjjiid?
Muitalusat ja máidnasat
Luohtedajahusat


Mii bovdet sámi girjjálaš systema deháleamos olbmuid: čálliid (čáppa- ja fágagirjjálašvuođa) – girjelágádusaid – geavaheaddjiid/ lohkkiid – girjerádjosiid – oahpahusásahusaid – árvvoštalliid – mediijaid – distributeraid/ girjegávppiid – ruhtajuolludeaddji eiseválddiid – vuoigatvuođaorganisašuvnnaid.